اسلام آباد – 20 – جولاءِ (اي پي پي) وزيراعظم محمد شهباز شريف قوم کي نئين اسلامي سال جي مبارڪباد ڏيندي چيو آهي ته دُعا آهي ته هي نئون سال پاڪستان ۽ اسلامي دنيا جي لاءِ امن، ترقي ۽ خوشحالي جو سال هجي، سيدنا امام حسين رضه الله عنه ۽ سندس جانثار ساٿين سچائي ۽ عدل ۽ انصاف جي اصولن کي برقرار رکڻ جي لاءِ لازوال قربانيون ڏنيون. ڏاڍ جي خلاف سندن پختي يقين، جرئت، قرباني ۽ لگن جو لازوال مثال آهي. وزيراعظم آفيس جي ميڊيا ونگ پاران جاري بيان موجب وزيراعظم هجري سال 1445هه جي شروعات تي قوم جي نالي پيغام ۾ چيو ته پوري قوم ۽ مسلمان امت کي منهنجي پاران نئون اسلامي سال مبارڪ هجي. منهنجي اها دعا آهي ته هي نئون سال پاڪستان ملڪ ۽ اسلامي دنيا جي لاءِ امن، ترقي ۽ خوشحالي جو سال ثابت ٿئي. هن اها به دعا ڪئي ته هن نئين سال ۾ پوري دنيا ۾ جتي ج??ي به مسلمان مصيبتن جو شڪار آهن انهن جي لاءِ الله رب العزت بي شمار آسانيون پيدا ڪري، ڪشمير ۽ فلسطين جي ماڻهن تي ڇانيل ظلم ۽ ڏاڍ جي اونداهي ختم ٿئي ۽ اتي امن ۽ آشتي جي صبح روشني اسان جي مسلمان ڀينرن ڀائرن جي زندگي ترقي ۽ خوشحالي سان روشن ڪري ڇڏي. وزيراعظم چيو ته نئون اسلامي سال تاريخ جي انهن تلخ لمحن جي به ياد ڏياري ٿو جڏهن حق ۽ باطل جي معرڪي ۾ آل رسول ﷺ حضرت امام حسين رضه الله تعاليٰ عنه جي قيادت ۾ پنهنجي ج??نين جا نذرانا پيش ڪري رهندڙ دنيا تائين امر ٿي ويا. هن چيو ته سيدنا امام حسين رضه الله عنه ۽ سندس جانثار ساٿين سچائي ۽ عدل ۽ انصاف جي اصولن کي برقرار رکڻ جي لاءِ لازوال قربانيون ڏنيون، ڏاڍ جي خلاف انهن جي پختي يقين، جرئت، قرباني ۽ لگن جو لازوال مثال آهي، هي واقعو اسان کي همدرديءَ، انصاف ۽ اتحاد جي انهن قدرن جي ياد ڏياري ٿو جيڪي اسان جي ايمان جو مرڪزي ج?? آهن ۽ اسان کي ناانصافي ۽ ڏاڍ جي خلاف بيهڻ ۽ هڪ اهڙي معاشري جي لاءِ ڪم ڪرڻ جو درس ڏين ٿا جتي امن، هم آهنگي ۽ گڏيل احترام غالب هجي. هن چيو ته اڄ جي ڏينهن اچو اسان وچن ڪريون ته اسان پنهنجي نبي محمد ﷺ۽ توهان جي صحابه پاران قائم ڪيل اعليٰ صفات جي تقليد ڪرڻ جي ڪوشش ڪنداسين، اچو اسان پنهنجي اختلافن سان قطع نظر رواداري، افهام تفهيم ۽ هڪ ٻئي جي لاءِ احترام کي فروغ ڏيون، اچو هڪ اهڙي معاشري جي تعمير جي لاءِ ڪم ڪريون جيڪو سماجي انصاف، برابري ۽ همدرديءَ جي اصولن کي برقرار رکي. منهنجي اڄ جي ڏينهن رب جي آڏو اها دعا آهي ته جيئن هن ان هڪ سال جي گهٽ مدي ۾ پاڪستان جي لاءِ اسان جون محنتون ۽ رياضتون قبول ڪيون ۽ اسان جي معاشي مشڪلاتن ۾ خاطرخواهه گهٽتائي ڪئي، ائين ئي ه?? پاڪستان کي سدائين جي لاءِ انهن مشڪلاتن مان ڪڍي، اسان جي پياري ملڪ کي ترقي ۽ معاشي خوشحالي جو گهرا??و بڻائي، منهنجي اها به دعا آهي ته هي نئون سال پاڪستان جي هر گهر ۾ برڪتون، امن ۽ خوشحالي آڻي ۽ اسان پنهنجي اختلافن کان مٿانهون ٿي هڪ قوم طور متحد ٿي وڃون ۽ پنهنجي پياري ملڪ جي روشن مستقبل جي لاءِ ڪم ڪريون، پاڪستان پائنده باد.
