آرمی چیف جنرل قمر جاوید باجوہ دی اڳواݨی اچ کور کمانڈرز کانفرنس، پاکستان اچ امن و استحکام سانڳے ہر سازش ناکام ٻݨاوݨ دا عزم

راولپنڈی۔10ستمبر(اے پی پی)چیف آف آرمی سٹاف جنرل قمر جاوید باجوہ فوج دیاں ساریاں فارمیشنز کوں روایتی اتے غیر روایتی خطرات نال نبݨݨ دی ہدایت کریندے آکھیے جو پاکستان اچ امن و استحکام دیاں دشمن بیرونی اتے اندرونی قوتاں دے ناپاک عزائم ہر ملھ تے مٹی اچ ملائے ویسن۔ او جنرل ہیڈ کوارٹر راولپنڈی اچ 243 ویں کور کمانڈرز کانفرنس دی صدارت کریندے پئے ہن جیندے اچ عالمی، علاقائی اتے ملکی سلامتی دے ماحول دا جائزہ ڳھدا ڳئے اتے خاص کر افغانستان دی اڄوکی صورتحال، پاک افغان سرحدی سلامتی اتے مختلف خطرات تے موثر حفاظتی اقدامات تے غور کیتا ڳیا۔ آرمی چیف سرحدی انتظام تے اطمینان کیتے جو خطے اچ بحرانی صورتحال دے باوجود پاکستان دیان سرحداں اتے داخلی سلامتی محفوط رہی اے۔ آرمی چیف افغانستان توں انخلا کیتے پاک فوج دے کردار دی تعریف کریندے آکھیے جو عالمی برادری افغانستان اچ تعمیری مصروفیات اتے پائیدار انسانی مدد، دیرپا امن اتے استحکام کیتے ہتھ ونݙاوے۔ کور کمانڈرز کانفرنس سید علی شاہ گیلانی دی بھارتی غیر قانونی مقبوضہ جموں وکشمیر اچ آزادی دی تحریک کوں چاوݨ کیتے جدوجہد اتے قربانیاں تے خراج عقیدت پیش کیتا اتے کشمیریاں نال اظہار یکجہتی کیتے۔

مضمون کا ماخذ : امکان ہے کہ میگا سینا

متعلقہ مضامین