لاہور ہائیکورٹ دا پی ٹی آئی دے گرفتار رہنما اتے کارکناں کوں رہا کرݨ دا حکم

لاہور۔25مئی(اے پی پی) لاہور ہائیکورٹ پی ٹی آئی دے گرفتار رہنما اتے کارکناں کوں رہا کرݨ دا حکم ݙتے۔ چیف جسٹس لاہور ہائیکورٹ جسٹس محمد امیر بھٹی پی ٹی آئی لائرز فورم دی درخواست تے سماعت کریندے ریمارکس ݙتن جو اے معاملہ سپریم کورٹ وی ݙیہدی پئی اے، ݙیہدے ہیں جو سپریم کورٹ کیا حکم ݙیندی اے، عدالت عظمی دے حکم دے مطابق اساں وی اپݨا حکم ݙیسوں، جیڑھے لوکاں کوں نظر بند کیتے انہاں تو بیان حلفی ڳھنو۔ تحریک انصاف دے وکیل اظہر صدیق آکھیا جو میں وکلا ولوں بیان حلفی یتے تیار ہاں جو اے پرامن رہسن۔ چیف جسٹس آکھیا جو اساں چاہندوں جو سارے پر امن راہون، ملک کیتے ہر کہیں کوں قانون دے دائرے اچ رہݨا چاہیدے، کٹ مار اتے جلائو گھیرائو نئیں تھیوݨا چاہیدے۔ عدالت حکم ݙتے جو گرفتار رہنماواں اتے کارکناں کوں چھور ݙتا ونڄے۔

مضمون کا ماخذ : پھل اور سات

متعلقہ مضامین