سردیاں اچ روز ناشتے، ݙوپہر اتے رات دے کھاوݨ ویلھے گھریلو صارفین کوں گیس دی فراہمی کوں ہر صورت یقینی ٻݨایا ویسی، وفاقی وزیر توانائی حماد اظہر دا سینیٹ اجلاس اچ ڳالھ مہاڑ

اسلام آباد۔12نومبر (اے پی پی) وفاقی وزیر توانائی حماد اظہر آکھیا جو ملک اچ گیس دے ذخائر تیزی نال ڳھٹدے ویندن، 2019ء اچ گیس دے نرخ کائنی ودھائے ڳئے، ایل این جی دی خریداری دا ساریاں توں سستا معاہدہ اڄوکی حکومت کیتے، نویں انرجی ٹرمینل ٹیک آرپے دی بنیاد تے کائنا لاتے ویسن۔ سردیاں اچ روز ناشتے، ݙوپہر اتے رات دے کھاوݨ ویلھے گھریلو صارفین کوں گیس دی فراہمی کوں ہر صورت یقینی ٻݨایا ویسی۔جمعے کوں ایوان بالا اچ سینیٹر شیری رحمن اتے سینیٹر سلیم مانڈوی والا دے توجہ دلائو نوٹس دے ولدے اچ انہاں آکھیا جو ستر فیصد گیس ملک توں نکلدی اے، تریھہ فیصد گیس درآمد کرݨی پوندی اے، ایل این جی ٻہوں مہانگی اے ایندے مقابلے اچ سسٹم گیس سستی اے، سندھ توں 38 فیصد، بلوچستان توں 40 فیصد، خیبرپختونخوا توں 12 فیصد اتے پنجاب توں 8 فیصد گیس نکلدی اے، سسٹم گیس دا ریٹ سارے صوبیاں اچ ہکو سواں اے، انہاں آکھیا جو ہفتے اچ ترائے ݙینھ گیس دی فراہمی بارے خبراں درست کائنی، سردیاں اچ روز ناشتے، ݙوپہر اتے رات دے کھاوݨ ویلھے گھریلو صارفین کوں گیس دی فراہمی کوں ہر صورت یقینی ٻݨایا ویسی۔

مضمون کا ماخذ : estratégias para loteria

متعلقہ مضامین