وزیر خارجہ مخدوم شاہ محمود قریشی دی استنبول اچ افغان وزیر خارجہ صلاح الدین ربانی نال ملاقات

اسلام آباد ۔ 22 مارچ (اے پی پی) وزیر خارجہ مخدوم شاہ محمود قریشی آکھیے جو افغانستان اچ قیام امن نہ صرف افغانستان بلکہ پورے خطے دی تعمیر تے ترقی کیتے لازمی اے ۔جمعے کوں استنبول اچ او آئی سی دے ہنگامی اجلاس دے موقع تے افغانستان دے اپنڑے ہم منصب صلاح الدین ربانی نال ملاقات دے دوران گال مہاڑ کریندے ہوئیں شاہ محمود قریشی آکھیا جو پاکستان افغانستان سمیت خطے اچ امن تے استحکام کیتے اپنڑی سانجھی ذمے واری نبھیندا رہ ویسی ۔ملاقات اچ افغان امن عمل سمیت سانجھی دلچسپی دے امور تے گال مہاڑ کیتی گئی۔ وزیر خارجہ شاہ محمود قریشی آکھیے جو افغانستان اچ قیام امن نہ صرف افغانستان کیتے بلکہ پورے خطے دی تعمیر و ترقی کیتے لازمی اے ۔ انہاں آکھیا اساں شروع ڈینھ توں ہی افغان حکومت تے افغان عوام دی سربراہی اچ مذاکرات دے حامی ہوں ۔ افغان وزیر خارجہ صلاح الدین آکھیا جو افغانستان اچ قیام امن کیتے پاکستان دیاں کاوشاں قابل تحسین ہن۔ وزیر خارجہ شاہ محمود قریشی ایران دے وزیر خارجہ جواد ظریف اتے کویت دے نائب وزیر اعظم تے وزیر خارجہ شیخ صباح خالد حماد نال وی ملاقات کیتی ۔

مضمون کا ماخذ : غالب افریقہ

متعلقہ مضامین