وزیراعظم عمران خان دا حیدرآباد یونیورسٹی دا سنگ بنیاد رکھنڑ دی تقریب نال خطاب

APP117-04 ISLAMABAD: April 04 - Prime Minister Imran Khan addressing ceremony of establishment of Hyderabad University at PM Office. APP

اسلام آباد ۔ 4 اپریل (اے پی پی)وزیراعظم عمران خان آکھیے جوکوئی وی معاشرہ تعلیم دے بغیر ترقی نئیں کر سگدا، پاکستان تحریک انصاف دی حکومت انصاف اتے تعلیم دے شعبیں تے خصوصی توجہ ڈیندی رہی ہے ، لوکاں دی سرمایہ کاری کرنڑ نال ملک ترقی کریسی، ملک تے قوم دا اصل تحفظ اتے صحت مند معاشرہ بنڑاونڑ تعلیم نال ہی ممکن ہے، حیدرآباد یونیورسٹی کوں تکنیکی بنیادیں تے بنڑاونڑ دے خواہشمند ہسے،تاں جو نینگراں کوں تعلیم دے نال نال مستقبل اچ روزگار حاصل کرنڑ اچ آسانی تھیوے۔ یونیورسٹی بنڑاونڑ دی مخالفت کرنڑ آلیاں دے ذہن سوچنڑ توں قاصر ہن ، نینگراں دی نسل کوں اسلام دی حقیقی تعلیمات، نبی اکرم دی حیات طیبہ اتے تریخ بارے ڈساونڑ دی ضرورت ہے، تقریباً 90 فیصد پاکستانی انگریزی سمجھنڑ توں قاصر ہن، لیکن احساس کمتری اچ مبتلا کجھ لوک ٹی وی شوز اتے پارلیمنٹ اچ انگریزی اچ گالھ کرنڑ پسند کریندن۔ ایہ گالھیں عمران خان خمیس کوں اسلام آباد اچ حیدرآباد یونیورسٹی دا سنگ بنیاد رکھنڑ دی تقریب نال خطاب کریندے ہوئیں آکھیاں۔ گورنر سندھ عمران اسماعیل، وفاقی وزیر قنون تے انصاف بیرسٹر ڈاکٹر فروغ نسیم، وفاقی وزیر تعلیم تے پیشہ وارانہ تربیت شفقت محمود، وفاقی وزیر انفارمیشن ٹیکنالوجی خالد مقبول صدیقی وی تقریب نال خطاب کیتا۔ تقریب اچ وفاقی وزیراں، اراکین قومی تے صوبائی اتے ماہرین تعلیم دی ڈھگ ساری تعداد وی موجود ہائی۔ وزیراعظم عمران خان آکھیا جو اج میکوں خوشی تھیندی پئی ہے جو میں ہک بئی یونیورسٹی دا سنگ بنیاد رکھیندا پیا ہاں، ماضی اچ سڑکاں دا سنگ بنیاد رکھیا ویندا ہا، لیکن اساں تعلیمی اداریاں دا سنگ بنیاد رکھیندے پئے ہسے ،کیونجو جڈاں لوک تعلیم حاصل کریندن تاں انفراسٹرکچر وی بنڑ ویندے۔ انہاں آکھیا جو جیرھی قوماں اپنڑے لوکیں تے دی تعلیم دے سرمایہ خرچ کریندیاں ہن او ہ ودھ ترقی کریندیاں ہن۔ انہاں آکھیا جو 20ویں صدی دے شروع دے کجھ سالاں اچ امریکہ سبھ توں اگی تے نکل گیا کیونجو امریکہ اچ سبب توں ودھ گریجویٹس اتے پی ایچ ڈیز ہن، اج سنگاپور یونیورسٹی دا بجٹ ڈیکھوںتا ںپتہ لگدے جو پورے پاکستان دی یونیورسٹیاں دے بجٹ توں ودھ ہے، ترقی کرنڑ آلے ہر ملک اپنڑیں نینگراں دی نسل دی اعلیٰ تعلیم تے توجہ ڈتی۔ انہاں آکھیاجوایں یونیورسٹی اچ حضور پاک دی سیرت طیبہ تے تحقیق کرویسوں،جیندے نال دنیا سامنڑے اسلام دے حقیقی تشخص کوں اجاگر کرنڑ اچ مدد ملسی۔ وزیراعظم عمران خان آکھیا جواج دنیا اچ حضور اکرم دی شان اچ اگرکوئی گستاخی کرے تا ںچنگاانداز اچ جواب نئیں ڈتا ویندا، اگر صحیح معنے اچ اسلام دا فہم تے ادراک ہوئے، تحقیق ہو ئے تاں مغرب کوں چنگا ٹھوس جواب ڈتا ونج جا سگدے ۔ انہاں آکھیا جو موجودہ حکومت او آئی سی، اقوام متحدہ، یورپی یونین کوں فعال کیتے جو آزادی اظہار دے ناں تے لوکیں کوں حضور اکرم دی شان اچ گستاخی دی اجازت نئیں ڈتی ونج جاسگدی ، اساڈی کوششاں پاروں یورپین یونین پہلی واری آکھیا جو حضور اکرم دی شان اچ گستاخی کوں اظہار رائے دی آزادی تصور نئیں کیتا ونج جا سگدا ۔ وزیراعظم تحریک انصاف دی اتحادی جماعت ایم کیو ایم پاکستان دا ذکر کریندے ہوئیں آکھیا جوپاکستان تحریک انصاف اتے ایم کیو ایم پاکستان دے نظریات شروع توں ہکو جئے ہن ، جڈاں اختلافات وی ہن تاں میں سمجھدا ہم جو ایم کیو ایم پاکستان دا نظریہ پی ٹی آئی نا رلدا ملدے ، اساڈا اختلاف عسکریت پسندی تے ہا۔ وزیراعظم آکھیا جو اساڈی حکومت اتے کابینہ بنڑی تاں فروغ نسیم اتے خالد مقبول صدیقی کابینہ اچ شامل تھئے اتے ا یہ کابینہ دے نفیس وزیراں اچ شامل ہن۔

مضمون کا ماخذ : لاتعداد وشال پانڈا

متعلقہ مضامین