عالمی برادری ایں گالھ دا اعتراف کریندی ہے جو ماضی دے مقابلے اچ ملک اچ دہشتگردی اچ نمایاں کمی واقع تھئی ہے ، سینیٹر لیفٹیننٹ جنرل ریٹائرڈ عبدالقیوم

اسلام آباد ۔ 18فروری(اے پی پی) پاکستان مسلم لیگ نواز دے سینیٹر لیفٹیننٹ جنرل ریٹائرڈ عبدالقیوم ملک کوں درپیش مسلیاں دے حل سانگے سانجھیاں کوششاں دی لوڑ تے زور ڈتے ۔ ہک نجی ٹی وی نال گالھ مہاڑ کریندے ہوئیں انہاں آکھیا جو حکومت ملک دے وڈے مفاد اچ سارے اہم اقدام کریندی پئی ہے۔ انہاں آکھیا جو نون لیگ دی حکومت کڈاہئیں اے دعویٰ کائنی کیتا جو ملک اچوں دہشتگردی کوں پوری طرح مکا ڈتا گئے جڈانجو آپریشن ضرب عضب دے ذریعے دہشتگرد کارروائیاں اچ نمایاں کمی واقع تھئی ہے ۔ عالمی برادری ایں گالھ دا اعتراف کریندی ہے جو ماضی دے مقابلے اچ دہشتگردی اچ نمایاں کمی آئی ہے۔ انہاں دا بیا آکھنڑ ہئی جو دہشتگردی دی لعنت توں نجات پاونڑ اتے دہشتگردی دے خلاف جنگ کوں بیا موثر بنڑاونڑ کیتے اقدامات دی لوڑ ہے ۔ عبدالقیوم آکھیا جو موجودہ حکومت صوبائی حکومت نال رل تے کراچی اچ امن و امان دی صورتحال کوں بہتر بنڑایا ہے ۔ ہک سوال دے جواب اچ انہاں آکھیاجو افغان حکومت کوں آپنڑیں علاقیاں تے چنگا کنٹرول کائنی جئیں پاروں کجھ ملک دے دشمن پاکستانی علاقیاں اچ وڑ تے امن کوں متاثر کریندے ہن۔

مضمون کا ماخذ : لوٹیریا کے اعدادوشمار

متعلقہ مضامین