خیبر پختونخوا دے عوام کوں سستا اٹا ݙیوݨ دا وزیراعظم شہباز شریف دے وعدے تے عملدرآمد شروع تھی ڳئے، وفاقی وزیر اطلاعات و نشریات مریم اورنگزیب
????????????????????????????????????
اسلام آباد۔8جون (اے پی پی):وزیراعظم شہباز شریف دے خیبر پختونخوا دے عوام کوں سستا اٹا ݙیوݨ دے وعدے تےعملدرآمد کریندے ہوئیں خیبرپختونخوا اچ ”شہباز سپیڈ” توں سستے اٹے دی فراہمی شروع کر ݙتی ڳئی اے۔ وفاقی وزیر اطلاعات و نشریات مریم اورنگزیب ٻدھ کوں وزیراعظم دے سستا اٹا ݙیوݨ دا وعدہ پورا کرݨ دی تفصیلات جاری کرݙتن ۔ انہاں ݙسایا جو وزیراعظم شہباز شریف دے حکم تے خیبرپختونخوا اچ40 روپے فی کلو اٹا ݙیوݨ سلسلہ شروع کر ݙتا ڳئے ، ایں سلسلے اچ 100 موبائل سٹورز کم شروع کرݙتے ، عوام کوں سستا اٹا ݙیوݨ کیتے کیتے صوبہ خیبر پختونخوا کوں ایبٹ آباد اتے پشاور زونز اچ ونڈیا ڳئے۔ سستا اٹا ݙیوݨ دا منظم سلسلہ بتدریج پورے خیبرپختونخوا اچ کھنڈایا ویسی ۔ایبٹ آباد اتے پشاور زون اچ اٹے دے تھیلے 50 ہزار توں ودھ ویچیے ڳئن ، ایبٹ آباد اتے پشاور زونز اچ انڄ انڄ موبائل سٹورز دے ذریعے سستا اٹا ݙتا ویندا پئے ،انہاں ݙسایا جو ایبٹ آباد اچ ݙو ݙینھ اچ سستے اٹے دے 22 ہزار 70 تھیلے ویچیے ڳئن جݙاں جو پشاور زون اچ ݙو ݙینھ اچ سستے اٹے دے 23 ہزار 400 توں ودھ تھیلے ویچیے ڳئن ۔ انہاں ݙسایا جو خیبرپختونخوا دے عوام کوں 40 روپے کلو اٹا ݙیوݨ کیتے 13 جون تئیں موبائل سٹورز دی تعداد ودھا تے 200 کرݙتی ویسی ، 9 جون تئیں صوبہ خیبرپختونخوا اچ اٹے دی وکامت دے عارضی سیل پوائنٹس وی کم شروع کرݙیسن ، 17 جون تئیں خیبر پختونخوا اچ انہاں عارضی سیل پوائنٹس دی تعداد ودھاتے 500 کر ݙتی ویسی ، خیبرپختونخوا اچ سستا اٹا ݙیوݨ دیاں 993 جہیں کوں 2000 تئیں ودھایا ویسی ۔ وفاقی وزیر اطلاعات آکھیے جو وزیراعظم شہباز شریف خیبرپختونخوا دے غیور عوام نال آپݨا وعدہ پورا کر ݙکھائے ، خیبرپختونخوا دے بہادر عوام دیاں زندگیاں اچ سوکھ ݙیوݨ تے 8 سال توں انہاں دے صوبے اچ رکیے ترقی دے عمل کوں وی انشاء اللہ اڳوں ودھیسوں۔
