ترائے سو متاثرہ ڈیلی ویجز اساتذہ کوں ملازمتاں تے بحال کر ݙتے، نگران وفاقی وزیر تعلیم

اسلام آباد۔30اگست(اے پی پی):نگران وفاقی وزیر تعلیم و پیشہ وارانہ تربیت مدد علی سندھی وفاقی نظامت تعلیمات ولوں تعلیمی اداراں دے 300 متاثرہ ڈیلی ویجز اساتذہ کوں ولا ملازمتاں تے بحال کرݙتے۔ ہک ٹویٹ اچ انہاں آکھیا جو ڈیلی ویجز اساتذہ دے معاملہ تے اعلیٰ سطح کمیٹی ٻݨائی ڳئی اے جیندے فیصلے تئیں اساتذہ کوں آکھیا ڳئے جو او پرھاوݨجاری رکھن۔ وفاقی وزیر اساتذہ دے وفد نال ملݨ ویلھے ایں معاملہ دے حل کیتے ہک اعلیٰ سطح کمیٹی ٻݨا ݙتی۔ پنڄ رکنی کمیٹی وائس چانسلر قائداعظم یونیورسٹی پروفیسر ڈاکٹر نیاز احمد اختر دی سربراہی اچ ٻݨائی گئی اے۔ ارکان اچ انٹر بورڈ کوآرڈینیشن کمیٹی دے ڈائریکٹر جنرل ظفر محمود ملک، وزارت تعلیم دے ڈپٹی سیکرٹری ایڈمن حمید خان نیازی، وزارت تعلیم دے ڈپٹی سیکرٹری فارمل ایجوکیشن عمارہ نسیم اتے وفاقی نظامت تعلیمات دے ڈائریکٹر (ایڈمن) نوید انجم شامل ہین۔

مضمون کا ماخذ : نقدی پھٹنا

متعلقہ مضامین